Xiinxala Walaloowwan Sirboota Siyaasaa Oromoo Bara 1991-2018 ALA’tti Sirbamanii Ija Yaaxxina Hawaasummaatiin

Abstract

 Qorannoon kun Xiinxala Walaloowwan Sirboota Siyaasaa Oromoo bara 1991 – 2018‟titti
sagalee fi suursagaleen maxxanfamanii sirbamaa turan xiinxaluu irratti kan xiyyeeffatedha. Mata
duree kana irrattis akkan hojjedhuuf kan na kakaase, qaawwa qorannoo sakatta‟an taasise irraa
natti mul‟atedha. Innis, hojiileen ogbarruu barreeffamaa keessaa walaloo sirbootaa irratti hanga
yoonaatti hojjetaman hedduu muraasa ta‟uufi bal‟inaafi gadfageenya kan hinqabne ta‟uusaa
yemmuu ta‟u, addumaan ammo sadarkaa digirii sadaffaatti hanga yoonaatti waan hojjetame kan
hinjire ta‟uu isaati. Kaayyoon Qorannichis Walaloowwan Sirboota Siyaasaa Oromoo bara 1991
– 2018‟titti sagalee fi suursagaleen maxxanfamanii sirbamaa turanii xiinxaluudha.Qorannichis
ilaalchawwan sadan yaaxxina hawaasummaa keessaa ilaalcha diddaa fi kallattii ilaalchaa
fakkoommii bu‟uureffachuun kan geggeeffamedha. Maddi ragaalee qorannichaa madda ragaa
tokkoffaa yemmuu ta‟u, innis walaloo sirboota siyaasaa Oromoo bara 1991 – 2018 keessa
maxxanfamanii sirbamaa turaniiti.Walaloon sirbootaa kanneenis mala iddatteessuu miti carraa
keessaa mala akkayyoo fayyadamuun sirboota baaqqee sagalee fi suursagaleen maxxanfamanii
sirbamaa turan keessaa kan artistoota shaniitu filatame. Ragaaleen qorannichaa mala sakatta‟a
dookimentiitiin erga funaanamanii booda dhimma hawaasummaa isaan xiyyeeffataniin garee
garaa garaatti qoqooduun mala xiinxala akkamtaatiin xiinxalamaniiru. Xiinxala geggeeffame
irraa artistoonni Oromoo dhiibbaa gama siyaasaatiin sirnichaan ummata Oromoo irra ga‟aa
ture keessaa: jaarmiyaa siyaasaa Oromoon diiguun dirree siyaasaa irraa fageessuu,akkasumas,
ummanni Oromoo mirga abbaa biyyummaa isaa irratti falmii inni taasisaa ture kan ibsu ta‟uusaa
hubachuun danda‟ameera. Kana malees, haala jiruu fi jireenyaa itti hadheessuun godaansaaf
saaxiluu, gaaffii ummata ukkaamsuu, sodachiisuu, hidhuu fi ajjeessuun dararaa kan ture ta‟uun
isaa hubatameera. Addumaan ammoo, sirnichi bifa qindaa‟een maqaa magaalaa Fifinnee
babal‟isuu jedhuun Oromoo qabiyyee lafa isaa irraa buqqisuun qabeenyaa fi lafa isaa saamuun
jireenya hiyyummaa fi gadadootiif kan saaxile ta‟uu isaa, xiinxala geggeeffameen bira
ga‟ameera.